Pasditen e sotme u mbajt ceremonia mortore për ish-kryeministrin italian, Silvio Berlusconi.
Kryeministri Edi Rama i është bashkuar dhimbjes së familjarëve me një status në rrjetet sociale, ku jep lamtumirën për ish-kryeministrin italian.
Rama deklaron se Berlusconi preku majat në botën e biznesit, spektaklit e sportit dhe e ktheu politikën në një spektakël me në qendër vetveten.
“Sot në lamtumirën e një personazhi që e jetoi jetën si një rrotullim i plotë i tokës rreth diellit, me të tëra shkallët e dritës dhe errësirës, duke prekur majat në botën e biznesit, spektaklit e sportit dhe duke e kthyer edhe politikën në një spektakël me në qendër vetveten.
Një njeri që e deshi jetën me gjithsej, e jetoi me të gjitha ekzagjerimet e mundshme, e mishëroi me të gjitha dimensionet e qenies së tij të shumëfishtë, jetësim kulmor i shprehjes, “Edhe ëngjëlli edhe djalli rrinë bashkë tek i gjalli”…
Si kryeministri më jetëgjatë në detyrë në historinë e Italisë, Silvio Berluskoni manifestoi në të gjitha rastet një afeksion e një respekt të posaçëm për shqiptarët”, shkruan kreu i qeverisë.
