Kryeministri i Hungarisë, Viktor Orban, pritet që nesër të vizitojë Shqipërinë. Kjo u bë me dije nga vetë shefi i shtypi të kryeministrit, Bertalan Havasi, i cili ditën e enjte tha se Orban së bashku me delegacionin hungarez do të vizitojnë Tiranën për një vizitë zyrtare.
Orban do të shoqërohet nga ministri i Punëve të Jashtme dhe Tregtisë, Peter Szillarto dhe ministri i Zhvillimit Ekonomik, Marton Nagy, të cilët pritet të zhvillojnë një takim me kryeministrin Edi Rama. Pas takimit dy homologët do të mbajnë një konferencë të përbashkët për mediat.
Ndërkohë, pas takimit që Orban do të zhvillojë me Ramën, kryeministri do të ketë dhe një vizitë me kryetaren e Kuvendit, Lindita Nikollën.
Gjatë udhëtimit zyrtar, palët do të nënshkruajnë marrëveshje që kanë të bëjnë me thellimin e bashkëpunimit ndërmjet vendeve tona.
Ndër të thera, Havasi theksoi se në “funksion të presidencës së ardhshme të Hungarisë në BE, bashkëpunimi ynë për të ndihmuar integrimin e Shqipërisë në BE ka një vend të spikatur mes temave”.
