Napoli nuk pret gjatë dhe arrin marrëveshjen me trajnerin e ri. Klubi napoletan do të ulë në pankinë francezin Rudi Garcia. Ka qenë presidenti i klubit italian, De Laurentis që ka dhënë njoftimin, me një postim në rrjetet sociale.
“Kam kënaqësinë të ju njoftoj se, pasi e kam takuar gjatë 10 ditëve të fundit, zoti Rudi Garcia do të jetë trajneri i ri i Napolit”.
Rudi Garcia vjen pas një përvoje në Arabinë Saudite me Al Nassr. Më parë ai ka drejtuar skuadra si Roma, Lyon apo Lille.
Napolin e pret një punë e madhe këtë verë. Synimi është mbajtja e elementëve që spikatën gjatë edicionit, ndërsa do tentohet afrimi i 2-3 futbollistëve cilësorë.
