Taulant Seferi e meritonte një gol kundër Ishujve Faroe për atë që dha në fushë. E pat rastin, por, siç e shpjegon vetë, thembra i kapi terrenin sntetik, duke e penguar që ta dërgonte topin në rrjetë.
“Jam shumë i kënaqur, sepse arritëm qëllimin në dy ndeshje. Sa i përket paraqitjes sime, ishte e mirë, por mund të bëjmë edhe më mirë. Siç e thashë me herët, e rëndësishmja ishte fitorja dhe jemi të gjithë të lumtur.
Konkurrenca më pëlqen, sa i përket shënjestrës, ishte problem fusha sintetike. Shënjestrën e kam mirë dhe shpresoj të shënoj për kombëtaren.
Rastet e humbura? Pa dyshim kemi humbur shumë, normalisht nuk është mirë. Në pjesën e parë mund të bënim tre gola dhe u barazuam.
Humbja e Polonisë është shumë pozitive për ne. Ne duhet të kthemi më të fotë dhe të përgatitur në shtator.”
