Ish-kryeministri Sali Berisha në një dalje për mediat para Kuvendit ka hedhur akuza të forta për kreun e grupit parlamentar të PS-së, Taulant Balla.
Berisha tha se Balla dhe Gjici kanë bashkëpunuar dhe ka bërë thirrje që të hetohen tenderët.
“I bëj Skapit të partisë thirrje të marrë me GPS të gjitha takimet e spostimet e tyre. I bëj thirrje të hetojë çdo tender të fituar nga Gjici në 100 milionë euro sepse lajmet gumëzhijnë. Flitet që këta kanë qenë të lidhur si mishi me thoin, Taulanti me Safet Gjicin. Dikush thotë në bixhoz dikush në afera të tjera, por ftoj të bëjnë një hetim të plotë në mënyrë që të kuptojnë si ranë nga qielli 100 milionë euro te përfaqësuesi dinjitoz i Edi Ramës, Safet Gjici”, tha Berisha.
