Për një ditë tjetër Franca është në trazira pas vrasjes së një 17-vjeçari nga policia. Ndërkohë, siç u bë e ditur, një 19-vjeçar ka mbetur i vdekur mbrëmjen e së enjtes në Seine-Maritime, pasi ka rënë nga një lartësi prej 5 metrash.
I riu ishte në çatinë e një supermarketi kur dyqani ishte në qendër të trazirave. Ai u dërgua me vdekje truri në spital dhe pak orë më vonë u njoftua për vdekjen e tij.“Mund të konfirmoj se një i ri vdiq këtë pasdite pasi u rrëzua nga një çati që ishte ngjitur me një djalë tjetër”, tha prokurori publik i Rouen për RTL.
Në të njëjtën kohë, duke u kthyer me nxitim në Paris nga Samiti i Brukselit, presidenti francez, Emmanuel Macron, njoftoi masa shtesë për të zbatuar rendin, pas një takimi urgjent ndërministror, pasi situata në vendin e tij mbetet shpërthyese pas vdekjes së një 17-vjeçari francezo-algjerian.
Në deklaratat e tij për vrasjen e Naelit të martën në mëngjes, Macron denoncoi “shfrytëzimin e papranueshëm të vdekjes së adoleshentit”, duke iu referuar ngjarjeve në Paris dhe njoftoi masat për të shtypur demonstratat. Veç kësaj, ai tundi gishtin ndaj prindërve duke u kërkuar që të mblidhnin fëmijët e tyre.
