Studentët e mjekësisë kanë zhvendosur protestën e tyre para Parlamentit, në të njëjtën kohë kur sot në seancë plenare diskutohet projektligji i qeverisë i cila kushtëzon diplomimin me një punësim të detyruar aty ku e cakton shteti.
Në të kundërt studentët që do të refuzojnë të firmosin marrëveshjen do tu duhet të paguajnë studimet me tarifat e reja që do të vendosen nga Këshilli i Ministrave.
Ata kanë paralajmëruar përshkallëzim të protestës, se nëse nuk anulohet nisma e qeverisë, ata do të bojkotojnë vitin akademik.
Kësaj proteste i janë bashkuar edhe maturantë, të cilët sapo kanë mbyllur studimet në gjimnaz dhe synojnë të nisin një rrugëtim të ri në fushën e mjekësisë.
