Trajneri i ekipit të femrave të Zambisë ka marrë ankesa nga futbollistet e kombëtares. Gazeta britanike The Guardian ka publikuar dëshmi që e lidhin atë me një sërë abuzimesh seksuale ndaj lojtareve të tij.
Bruce Mwape filloi të drejtojë grupin në maj 2018 dhe që atëherë ka evoluar mënyrën e lojës dhe ka kualifikuar Zambinë për Kupën e Botës për herë të parë në historinë e tyre.
Shoqata e Futbollit të Zambisë (FAZ) raportoi në shtator 2022 se kishte referuar një hetim mbi akuzat për abuzim seksual, “nëse ai dëshiron të flejë me dikë, duhet të thuash po”, rrëfeu një lojtare që preferon të mbajë anonimatin. “Është normale që trajneri të flejë me lojtaret e ekipit tonë”, shtoi ajo.
Një tjetër prej burimeve të konsultuara, pranoi se futbollistet po marrin kërcënime ndëshkimore, në rast se zbulojnë diçka nga ajo që ka ndodhur: “Federata mbyll një sy sepse gratë kanë pasur rezultate të mira. Është mënyra e tyre për t’i treguar publikut dhe Autoritetet kanë sukses dhe një imazh të mirë, por në prapaskenë është shumë e shëmtuar”, tha një nga burimet e konsultuara.
Zambia është një nga katër skuadrat që do të jenë pjesë e Grupit C në këtë Botëror, ku bën pjesë edhe ekipi tyre. Afrikanët do të debutojnë më 22 korrik kundër Japonisë dhe do të jetë hera e tyre e parë që luajnë në një Botëror.
