Të gjithë e dinë supershitjen e verës – akulloren, por të paktë janë ata që i njohin mirë sekretet e saj. Janë të panumërta dyqanet në Amerikë, atje ku hahen më shumë se kudo akulloret dhe ku është shumë i suksesshëm ky biznes. Më poshtë janë disa fakte që ju bëjnë të ndryshoni mendimin për akulloren.
Akulloret nuk të shëndoshin
Shkencëtarët kanë shpenzuar vite të tëra për të arritur në përfundimin se akulloret jo vetëm që nuk të shëndoshin, por ato stimulojnë përhapjen e grimcave të yndyrës në trup.
Akulloret shkojnë me salmonin
Akulloret në kuzhinë janë një frymëzim i pafund recetash, por ajo që ndoshta nuk e dini është se ato shkojnë shumë me salmonin. Shumë shefa kuzhine e konsiderojnë serioze pjesëmarrjen e akullores në recetat e tyre, përfshirë edhe dekoret.
Të kujtojnë në çdo kohë verën
Sa herë mendon për akulloren, menjëherë mendja të shkon te vera dhe rrezet e nxehta të diellit. Kështu, është një gjendje pozitive, shpjegojnë specialistët, e cila i siguron trurit një lloj relaksi edhe nëse jeni duke ngrënë akullore në dimër.
Të hash akullore, je më social
Edhe ky është një shpjegim që vjen nga psikologët. Të rrallë janë njerëzit që i hanë akulloret vetëm. Shumica preferojnë t’i konsumojnë ato me familjarë, me miq e shokë. Kjo i ndihmon të jenë gjithmonë atraktivë dhe më socialë.
