Samir Handanovic e mbyll me Interin. Portieri slloven i dha fund aventurës 11-vjeçare me zikaltrit nga Milano. Sezone gjatë së cilave fitoi titullin kampion. Dhe nga dy herë Kupën e Superkupën e Italisë.
Rinovimi nuk erdhi dhe 38-vjeçari ka dalë lojtarë i lirë. Në letrën përshëndetëse të nënkampionëve të Europës për Handanovic, autor i 81 ndeshjeve me kombëtaren e tij, lexohet:
“Një referencë absolute, një lider në dhomën e zhveshjes, një kapiten i guximshëm. Samir Handanovic është e gjitha kjo gjatë 11 sezoneve në të cilat mbrojti portën e Interit.
Ai demonstroi që nga fillimi aftësi teknike të jashtëzakonshme të kombinuara me një karizëm të madhe. Cilësi që bëjnë atë një nga portierët më të mirë në historinë e klubit tonë.
Dëshmi për këtë janë 455 ndeshjet e tij, gjatë së cilave e mbajti portën të paprekur në 116 raste. Falënderime dhe dashuri e sinqertë nga gjithë familja zikaltër për Samir Handanovic”.
Grazie Samir 🧤 🖤💙 #ForzaInter pic.twitter.com/5IfFUifWhX
— Inter ⭐⭐ (@Inter) July 12, 2023
