Marrëdhënia e Beyonce me vëllanë e saj nga babai, Nixon Knowles nuk është përmirësuar.
14-vjeçari është djali i yllit të popit, Matthew Knowles, i cili lindi ndërsa ai ishte ende i martuar me nënën e Beyonce, Tina Knowles-Lawson. Ai gjithashtu ka një vajzë të vogël të lindur jashtë martese.
Pas ndarjes me Matthew, nëna e djalit, Alexandra, u përball me shumë vështirësi, duke deklaruar falimentimin në 2014.
Beyonce nuk është përpjekur asnjëherë ta ndihmojë financiarisht vëllanë e saj më të vogël dhe thuhet se refuzon ta takojë.
“Ajo është një miliardere dhe sapo bleu shtëpinë më të shtrenjtë në Kaliforni dhjetë milje larg shtëpisë sonë. Por jo, nuk ka pasur asnjë kontakt”, tha Alexandra në një intervistë të fundit.
Deri para disa vitesh, ajo dhe djali i saj jetonin në një rulotë me 2 dhoma gjumi, derisa mikja e saj e ngushtë, aktorja Char Jackson, i mori në shtëpi. Vetëm në vitin 2017 Alexandra ishte në gjendje të merrte me qira apartamentin e saj.
Në fillim të këtij viti, ajo dhe djali i saj, Nixon, u vendosën në një shtëpi me pesë dhoma gjumi në një periferi të Los Anxhelosit, raporton Sun.
