Gazetari Roland Qafoku i ftuar në Dritare TV, thotë se nëse Arben Ahmetaj është i pastër, duhet të vijë dhe të përballet me drejtësinë, jo të bëjë luftë në Facebook. Në intervistën e ditës në Dritare TV, zoti Qafoku tha:
“Letra e Arben Ahmetajt lë shumë për të dëshiruar. Edhe aty ku ai thotë se di dhe mund të thotë diçka. Por nëse ka diçka, le ta thotë. Por një njeri që e quan veten të pastër, del përballë drejtësisë dhe bën betejën e tij. Dhe kështu fiton më shumë mbështetës. Jo kështu duke iu fshehur drejtësisë.
Arben Ahmetaj është duke folur për një rreth shumë të ngushtë njerëzish.
Nuk besoj që mund të ketë luftë klanesh brenda PS. Edi Rama ndihet më i fortë se kurrë. Ka një betejë në PS, por kjo është për personin që do të jetë pas Ramës”, u shpreh Qafoku
