Eksperti i IT, Tomi Kallanxhi ka folur lidhur me mundësinë e mbylljes së aplikacionit TikTok për Shqipërinë. Në fjalën e tij gjatë emisionit “Newsroom” me Fjola Graçin, Kallanxhi tha se e gjitha është një “lojë pushtetesh” mes Amerikës dhe Kinës për të dhënat e përdoruesëve të rrjetit social dhe asgjë më shumë.
PJESË NGA INTERVISTA:
Pyetja: Në Amerikë po diskutohet mbyllja e TikTok, Taulant Balla ka thënë që edhe në Shqipëri do të ndiqet një lëvizje e tillë, ka gjasa të ndodhë…?
Kallanxhi: Është një video e suksesshme për shpërndarje në Tik Tok. Amerika problemin që ka me TikTok është që maxhoranca e aksionerëve është kineze. Kjo e shqetëson shtetin amerikan sepse një kompani kineze funksionon ndryshe, sepse ka 20% pushtet Partia Popullore Kineze. Dhe kjo është ajo që i tremb kompanitë amerikane dhe duan që të kalojnë në maxhorancë amerikane dhe të dhënat e përdoruesëve të vijnë në Amerikë dhe jo në Kinë. E njëjta gjë edhe me BE. Kjo është pretekst për ta kaluar në shitje TikTok
