NBA legalizon marijuanën, Durant: “Më pëlqen bima, të gjithë basketbollistët e tymosin”

113 563 lexime

124,178FansaPëlqeje

NBA “legalizon” marijuanën, duke e hequr nga lista e substancave të ndaluara për lojtarët e saj. Vendimi i marrë që në prill është ratifikuar këtë korrik. Nuk do të ketë më kontrolle, gjoba apo pezullime për lojtarët që e përdorin. Në një ligë me lojtarë si asnjë tjetër në botë, në të cilën kanë pushtet të jashtëzakonshëm në krahasim me kampionatet e tjera nuk surprizon fakti që ka qenë pikërisht një kampion ai që bindi komisionerin Silver të ndërmarrë këtë hap.

Ai që surprizon është emri i lojtarit, ndoshta nuk do ta besoni por bëhet fjalë për Kevin Durant. Është transformuar papritur në një avokat për çështjen duke thënë edhe fjalën e fundit, si dhe verdiktin në favorin e tij. Durant nuk bën lojëra fjalësh dhe tregon se e ka patur të lehtë të bindë drejtuesit, pasi kishte shijuar cilësinë e marijuanës si konsumator teksa u shpreh për rrjetin CNBC në Los Angeles; “Nuk është se isha pionieri i kësaj fushate, edhe pse më pëlqen bima, gjithçka këtu”.

Dhe duke qenë se në NBA lojtarët kanë shumë liri dhe pak detyrime, Durant gjeti kurajon për të bërë lëvizjen e parë dhe të telefononte Komisionerin Silver për ta provuar, duke realizuar misionin.

“Çfarë i thashë për ta bindur? Epo kur u takuam më nuhati erën, nuk kishte shumë nevojë për fjalë pasi u kuptua gjithçka. Për të qenë të sinqertë në NBA e bëjnë të gjithë, tani është bërë si vera”.

Vendimi i Silver gjithsesi është i diskutueshëm. Ai do të përfshihet në kontratën e punës që hyn në fuqi këtë muaj dhe është e vlefshme për 7 vjet. Deri më tani kush kapej me marijuanën fillimisht i nënshtrohej trajtimit, herën e dytë merrte një gjobë prej 25 mijë dollarësh, ndërsa herën e tretë dënimi bëhej më i ashpër, 5 ndeshje pezullim.

Lexo edhe :  VIDEO: Champions League, Parisi fiton edhe në shtëpi dhe shkon në finale kundër Interit

Gjithsesi praktikisht në NBA kishin hequr kontrollet që nga 2021, dhe shpjegimi i Durant është i thjeshtë.

“Gjërat kanë ndryshuar në Amerikë dhe në botë. Përdorimi i marijuanës nuk stigmatizohet publikisht si në të kaluarën. Nuk ka asnjë efekt negativ dhe në sensin pragmatist NBA ka vendosur të përqëndrojë forcat e saj për të diktuar dhe luftuar përdorimin mes lojtarëve të saj të substancave më të dëmshme si kokaina apo hormonet e rritjes, doping që influencon në paraqitjet dhe rezultatet e sportistëve, ndaj vendosën të “zhdoganojnë” marijuanën”.

Të fundit

Donald Trump emigrantëve të paligjshëm: Rezervoni fluturimin tuaj falas tani

Presidenti i Shteteve të Bashkuara të Amerikës, Donald Trump ka njoftuar se ka nënshkruar sot urdhrin ekzekutiv për të...

“Komisionerët e PD janë me precedentë penalë”, denoncimi i PS për KZAZ në Mat

PS Mat denoncoi pak minuta më parë pranë KZAZ 16 caktimin nga ana e PD të disa komisionerëve të qendrave të votimit. Sipas tyre, këta...

Misteri i votimit për Papën amerikan, a ka lidhje Donald Trump?

Leoni i XIV u farkëtua po aq nga bota jashtë sa edhe nga Shtetet e Bashkuara, e kjo, thotë CNN, mund të jetë arsyeja...

Cili është qyteti me banorët më të lumtur në botë? Publikohet lista e fundit

Indeksi i Qyteteve të Lumtura rikthehet me edicionin e gjashtë dhe qytetet në të gjithë planetin janë vlerësuar sipas gjashtë faktorëve kryesorë. Një qytet...

The Guardian paralajmëron përplasje globale/ A ka nisur Lufta e Tretë Botërore?

Në një javë ku ish-aleatët e Luftës së Dytë Botërore përkujtuan ndaras 80-vjetorin e përfundimit të saj, “The Guardian” ngre alarmin se bota ndodhet...

Lajme të tjera

Web TV