Princi William ka shokuar kalimtarët pasi u shfaq në një kamion ushqimor në Londër, duke shpërndarë hamburger me perime.
Trashëgimtari i fronit britanik u bashkua me kanalin Youtube Sorted Food për të krijuar burgerin pa mish, i cili u bë duke përdorur risitë mjedisore të fituesve të Çmimit The Earthshot 2022.
Ekipi i Sorted Food u shfaq me një video duke përgatitur hamburgerët duke përdorur artikuj Earthshot të dorëzuara nga Princi William, përpara se të niseshin për t’i shërbyer nga një kamion ushqimor.
Kur një anëtar i ekipit i kërkoi “kuzhinierit” katër burgera Earthshot, Princi William u shfaq, duke iu shërbyer klientëve të uritur.
“Nga të gjitha gjërat që prisja, nuk ishte kjo,” tha një grua në video, duke pyetur më vonë të tjerët: “Çfarë ndodhi?”
“Trurit tim iu deshën tre sekonda për ta perceptuar,” shtoi një burrë. “A po ëndërroj? A kam fjetur mjaftueshëm?”
William u tha klientëve se Earthshot Prize, një projekt 10-vjeçar të cilin ai e themeloi në vitin 2020 , synon “riparimin dhe përmirësimin e planetit”.
Çmimi vlerëson ata që ofrojnë zgjidhje mjedisore në pesë kategori: “Mbrojini dhe rivendosni natyrën”, “Pastroni ajrin tonë”, “Rigjallëroni oqeanet tona”, “Ndërtoni një botë pa mbeturina” dhe “Rregulloni klimën tonë”.
