Gjykata e Tiranës ka pranuar kërkesën e Prokurorisë për të zgjatur me 3 muaj afatin e paraburgimit për ish-zyrtaren Alda Klosi. Avokati i kësaj të fundit ka thënë se prokurioria nuk ka asnjë provë dhe sipas tij kërkesa duhej të rrëzohej.
“Po e mbajnë në buirg pa të drejtë, nuk kanë prova. Kanë vetëm dëshminë e pastruese”, mësohet të ketë thënë avokati Ilirjan Muho.
Klosi akuzohet për pastrim parash “deklarim të rremë të pasurisë”. Më herët ajo kërkoi lirimin nga qelia dhe caktimin e masës “arrest shtëpie”, me argumentin se ka probleme shëndetësore dhe se ka fëmijët në kujdestari.
Kujtojmë se ish-zyrtarja e lartë Alda Klosi po mbahet në paraburgim për akuzat e pastrimit të parave, fshehjes së pasurisë dhe deklarimit të rremë para oficerit gjyqësor, pasi pastruesja që punonte në shtëpinë e saj, Rozeta Dobi, rezultoi se kishte vjedhur një shumë të madhe parash në shtëpinë e saj, që në total shkon në rreth 404 mijë euro.
