Është zbardhur skena sesi Florian Gjergji së bashku me grupin e tij tentuan t’i merrnin një shumë prej 35 mijë euro një biznesmeni në fushën imobilare.
Tre shtetasit e arrestuar për mashtrim, i shkruanin përmes aplikacionit “Telegram” duke u prezantuar si kryebashkiaku i Vlorës Ermal Dredha.
“Jam Ermal Dredha dhe më duhen 35 mijë euro”,- i shkruan ata një biznesmeni të njohur në kryeqytet, ka zbuluar gazetarja Anila Hoxha.
Mësohet se Florian Gjergji i shpallur në kërkim, i cili dyshohet se është organizatori i kësaj skeme mashtrimi i kishte thënë dy nga bashkëpunëtorëve të tij të shkonin në qendër tregtare, të takonon biznesmenin dhe t’i thoshin “kemi ardhur të marrim pakon”. Por ata nuk ishin në dijeni të faktit se “preja” e tyre kishte lajmëruar policinë.
