Mbrëmjen e kaluar Tirana është përballur me skuadrën turke të Besiktas në turin e dytë të Conference League.
Por ashtu si në ndeshjen e Stambollit, edhe mbrëmë në “Air Albania” bardheblutë kanë humbur, me rezultatin 0-2.
Ndeshja në Tiranë nisi që në minutat e para me përplasje mes tifogrupeve të pranishme në stadium, por rezultati përfundimtar është ai që ka tensionuar edhe më shumë situatën.
Mësohet se tifogrupi “Fanatics” janë përplasur ashpër dhe kanë dhunuar tifozët e “shqiponjave” të Besiktas. Dhuna mes tyre ka nisur që nga dalja e stadiumit dhe ka vijuar përgjatë gjithë bulevardit “Dëshmorët e Kombit”, “Pedonales” dhe deri te lulishtja pranë Biblotekës Kombëtare.
Burimet bëjnë me dije se në fillim të ndeshjes turqit kanë sulmuar tribunën ku ishin të ulur tifozët e Tiranës me familje dhe fëmijë. Kaq ka mjaftuar që pas ndeshjes ‘bardheblutë’ të “marrin hak”./joq
