Shtrimi i Madonnës në spital në qershor për një infeksion të rëndë bakterial ndryshoi të gjitha planet dhe e detyroi mbretëreshën e popit të shtyjë fillimin e turneut.
Tani, Madonna po i përditëson fansat e saj për riprogramimin e turneut të saj të shtyrë dhe zbuloi se datat e reja do të jenë të disponueshme së shpejti në një postim në Instagram Story.
“Faleminderit përsëri për mbështetjen dhe durimin tuaj të pabesueshëm këto javët e fundit. Kam kënaqësinë t’ju informoj se orari i rishikuar i turneut do të vijë brenda ditëve në vijim”!
Muajin e kaluar, Madonna njoftoi se turneu i saj i ardhshëm botëror, duke festuar 40-vjetorin e albumit të saj të parë, do të fillojë në Evropë në tetor, ndërsa datat në SHBA do të ricaktohen për t’u mbajtur më vonë.
Shtyrja erdhi pasi ajo u shtrua në spital për një infeksion të rëndë bakterial, të cilin menaxheri i saj Guy Oseary e konfirmoi fillimisht në një postim në Instagram më 28 qershor.
