Sezoni i ri 2023-2024 në NBA do të nisë më 24 tetor, ditën e martë, ashtu si zakonisht. Ndeshja hapëse do të jetë ajo mes kampionëve në fuqi të Denver Nuggets dhe Los Angeles Lakers, sfidë që do të zhvillohet në “Ball arena” të Denver, ku para takimit do të zhvillohet edhe ceremonia e dorëzimit të unazave për kampionët e rinj.
Këto dy skuadra luajtën vjet edhe në finalet e Konferencës së Perëndimit. Ndeshja tjetër që do të luhet më 24 tetor është ajo mes Golden State Ëarriors dhe Phoenix Suns, një tjetër përballje mjaft e fortë mes dy ekipesh kandidate për titullin edhe këtë sezon të ri.
Më 18 shkurt do të zhvillohet ndeshja magjike e “All Star Game”, në Indianapolis, ndërkohë që sezoni i rregullt do të mbyllet më 14 prill. Më 16-19 prill luhen ndeshet “play in” dhe më 20 prill nisi faza play off.
Finalet për titullin do të nisin më 6 qershor 2024.
Më 15 janar, ditën e “Martin Luther King”, do të luhen katër ndeshje “BIG”: Philadelphia 76ers- Houston Rockets , Atlanta Hawks-San Antonio Spurs, Memphis Grizzlies-Golden State dhe Lakers-Oklahoma.
