Gjendja shëndetësore e 41 turistëve polakë, të cilët u paraqitën pranë urgjencës së Vlorës mbrëmjen e shkuar është përmirësuar.Mbrëmë nga urgjenca kanë dalë 22 fëmijë, të cilët ishin në gjendje më të mirë, ndërsa pjesa tjetër do të dalin nga spitali këtë mëngjes,
Turistët me kërkesë të institucioneve shëndetësore janë ndaluar të udhëtojnë drejt Shkodrës, për shkak të gjendjes shëndetësore ende të brishtë, ndërsa akomodimi i tyre është marrë përsipër nga operatorët turistik.
Mbrëmë nga urgjenca kanë dalë 22 fëmijë, të cilët ishin në gjendje më të mirë, ndërsa pjesa tjetër do të dalin nga spitali këtë mëngjes, pasi gjendja e tyre shëndetësore është përmirësuar.
Turistët nga Polonia, ishin duke bërë një tur me anije në Sazan, ku kanë konsumuar pulë të pjekur, sallatë, patate të skuqura, ujë, kola, lëngje dhe pjepër.
Pasi kanë konsumuar ushqimet, ata janë paraqitur me të vjella dhe simptoma helmimi në urgjencën e spitalit të Vlorës.
Fëmijët polakë u nisën në 5 të mëngjesit nga Barbullushi dhe u nisën rreth orës 9-10 me anijen ‘Black Pearl’ në Karabun. Ata kanë konsumuar pulë, sallatë patate, kola dhe pjepër.
Mjeket shpjeguan dje se helmimi mund të këtë ardhur si pasojë edhe e lodhjes, qëndrimit gjatë në det dhe ekspozimi në diell arsye që mund të kenë përkeqësuar gjendjen e tyre.
Ndërsa një njoftim zyrtar i AKU thotë se nga gjetjet paraprake ushqimi ka qenë i prishur nga temperatura e lartë.
Fëmijët janë të moshave 14-15 vjeç dhe po marrin trajtimin e posaçëm në spitalin e Vlorës./e.t
