Kur jeta jonë seksuale nuk është realisht ajo që ne duam, nuk është e lehtë të përcaktojmë menjëherë arsyen. Në shumë situata, janë zakonet e përditshme që ndoshta ju i keni anashkaluar pa e ditur se ato ndikojnë në kënaqësinë seksuale në çift.
“Jeta seksuale e shumë njerëzve po bëhet viktimë e stilit të jetesës”, tha për “HuffPost” seksologu Lawrence Siegel. “Ka shumë gjëra të dukshme që kontribuojnë në uljen e dëshirës seksuale, si stresi dhe gjumi i tepërt, por ka disa të tjera për të cilat ia vlen të mendojmë në pjesën më të madhe të jetës sonë të përditshme”.
Ja shtatë prej tyre:
Qëndrimi gjatë në telefon
Të gjitha orët e kaluara në Instagram dhe TikTok mund të ndikojnë në aftësinë për të përjetuar kënaqësi në shtrat. “Të shpenzosh shumë kohë duke u zhytur në botën dixhitale do të thotë më pak kohë për të krijuar ose forcuar lidhjet personale”, tha për “HuffPost” terapisti i seksit, Kelifern Pomeranz.
Kaloni shumë kohë ulur
Nëse keni një punë në tavolinë, ka të ngjarë të kaloni pjesën më të madhe të ditës ulur. Të qenit i ulur ndikon në shëndetin fizik. Kjo sjell edhe efekte negative shëndetësore si sëmundjet e zemrës, diabeti dhe kanceri. “Studimet tregojnë se ekziston një lidhje e drejtpërdrejtë midis rritjes së aktivitetit fizik dhe përmirësimit të shëndetit seksual. Pasiviteti ndikon negativisht në gjendjen dhe perceptimet e partnerit”, shtoi ajo.
Të mendosh për punën ditën dhe natën
E gjeni veten duke kontrolluar emailet gjatë gjithë mbrëmjes? Ose ndoshta nuk mund të ndaloni së foluri për punën, ndërsa jeni me partnerin dhe përpiqeni të kaloni pak kohë cilësore së bashku. “Mund të jetë e vështirë të kesh një ndarje midis kohës së punës dhe kohës së lojës. Por, nëse mendja juaj nuk futet në emocionet e seksit do e keni të vështirë”, tha seksologia Luna Matatas.
Prisni kohën e gjumit për të menduar për seksin
Shumë njerëz nuk fillojnë të mendojnë për seksin derisa të kenë plotësuar listën e detyrave. “Imagjinata jonë erotike është e disponueshme për ne gjatë gjithë kohës dhe luan një rol në nxitjen e eksitimit. Të veshësh diçka që të bën të ndihesh seksi, edhe nëse nuk ke asgjë poshtë rrobave duket erotike apo jo”, tha Matatas.
Nuk pini mjaftueshëm ujë
Ju ndoshta nuk e dini, por pirja e ujit mund të prishë jetën tuaj seksuale. “Hidratimi është pjesë përbërëse e eksitimit, orgazmës dhe kënaqësisë”, tha Goody Howard për “HuffPost”. Hidratimi i duhur ndihmon trupin të kryejë funksionet e nevojshme, madje ndikon edhe në emocionet në shtrat.
Pirja e tepërt e alkoolit
Pirja e rregullt e alkoolit, veçanërisht në sasi të mëdha, mund të ketë efekte negative në jetën seksuale, duke përfshirë dëmtime gjatë aktit, por edhe thatësi vaginale ose vështirësi në mbajtjen e ereksionit.
“Droga dhe alkooli ndikojnë në aftësitë tona për të përjetuar orgazma”, tha terapisti i seksit Jesse Kahn.
Marrja e ilaçeve të ndryshme
Disa medikamente, duke përfshirë ato që përdoren për trajtimin e depresionit, ankthit, presioni i lartë i gjakut dhe kancerit, mund të ulin dëshirën seksuale. Nëse mendoni se ilaçet mund të jenë fajtorë për problemet në jetën seksuale, duhet të flisni me një profesionist./E.Ç
