Gjermania ka uruar Shqipërinë për marrjen e mandatit të dytë të Këshillit të Sigurimit të OKB këtë të premte.
Ambasada Gjermane në Tiranë i ka uruar suksese Shqipërisë në fillimin e presidencës së dytë të Këshillit të Sigurimit të Kombeve të Bashkuara , ku thotë se ajo merr këtë muaj një rol kyç në ruajtjen e paqes dhe sigurisë botërore.
Gjithashtu, ambasada falenderon Shqipërinë për angazhimin e përkushtuar dhe të përgjegjshëm ndaj vlerave të Kombeve të Bashkuara dhe kontributik e saj në ruajtjen e paqes, zgjidhjes së konflikteve dhe mbrojtjes të së drejtave të njeriut në nivel global, duke përmendur dhe agresionin rus në Ukrainë.
Shqipëria do të marrë sot më 1 shtator për herë të dytë presidencën e Këshillit të Sigurimit të OKB. Për herë të parë Shqipëria mori Presidencën më 1 qershor deri më 30 qershor të 2022. Ndëkohë, tashmë Shqipëria merr presidencën për pak muaj përpara përfundimit të mandatit, në tetor 2023.
Shqipëria është pranuar si anëtare në Kombet e Bashkuara më 14 dhjetor 1955 dhe është zgjedhur për herë të parë anëtare jo e përhershme në Këshillin e Sigurimit të OKB-së për periudhën 2022-2023./E.T
