Ulet 4% numri i bebeve që përfituan bonus për muajt janar-prill, 43% e tyre lindën jashtë

113 563 lexime

124,178FansaPëlqeje

Një numër i lartë i përfituesve të bonusit të bebeve me vlerë nga 40 mijë lekë deri në 120 mijë lekë vijojnë të jenë të posalindurit jashtë Shqipërisë.

Për muajt janar-prill 2023 bonusi i bebeve sipas të dhënave të raportit të monitorimit të Ministrisë së Shëndetësisë u përfitua nga 12,123 të porsalindur, me një rënie prej 4% në krahasim me të njëjtën periudhë të një viti më parë.

Pavarësisht rënies së numrit të përfituesve të bonusit të bebeve, pjesa dërrmuese e tyre shkon për të lindurit jashtë vendit.

Për muajt janar-qershor sipas të dhënave të INSTAT numri i lindjeve ishte 10,283 në 2023. Ndërsa për të njëjtën periudhë të 2022 numri i lindjeve ishte 11,791 bebe.

Bazuar në mesataren mujore të lindshmërisë dhe të përfituesve të bonusit, rreth 43% e bebeve që përfituan shpërblimin kanë lindur jashtë.

Bonusi i bebes është një politikë e re sociale që po zbatohet nga qeveria prej 1 janarit 2019 që mbështet familjet nëpërmjet dhënies direkte të çekut me vlerën e 40 mijë lekëve për fëmijën e parë, 80 mijë lekë për fëmijën e dytë dhe 120 mijë lekë për fëmijën e tretë. Bonusi përfitohet për të gjithë fëmijët e regjistruar në Shqipëri, edhe nëse foshnja ka lindur jashtë shtetit, në formën e çekut që tërhiqet nga nëna.

Në total në 4 vjet për periudhën 2019-2022 nga nisja e programit mbështetës për dhënien e bonusit të bebeve, sipas të dhënave të raporteve të monitorimit të Ministrisë së Shëndetësisë është shpenzuar nga buxheti i shtetit fondi me vlerë 11,5 miliardë lekë apo rreth 112 milionë euro.

Totali i bebeve përfituese sipas të dhënave të Monitorimit të Ministrisë së shëndetësisë është për 161,943 të porsalindur. Nisur nga numri i lindjeve për vitet 2019-2022 sipas të dhënave të INSTAT është 108,535 lindje, çka rezulton se 33% apo 53,408 bebe përfituese të bonusit jetojnë jashtë.

Lexo edhe :  Dekada e kredive: ndërtojmë, blejmë, udhëtojmë me lekët që nuk i kemi

Për shkak të numrit të lartë të bebeve përfituese jashtë Shqipërisë në muajin maj Ministria e Shëndetësisë dhe Mirëqenies Sociale hartoi projektligjin “Për një shtesë dhe një ndryshim në Ligjin Nr. 57/2019 “Për Asistencën Sociale në Republikën e Shqipërisë”, ku pika 1 e nenit 9 të ligjit përjashton nga përfitimi i këtij bonusi personat që nuk janë rezidentë në Shqipëri./Marrë nga Monitor /  S.M

Të fundit

Turqia po përvëlohet! Zjarret përhapen në shumë qytete, anulohen fluturimet

Zjarret shkatërruese që kanë përfshirë rajone të ndryshme në Turqi, kanë shndërruar mijëra hektarë tokë në hi, duke vënë...

Aksident i rëndë në Durrës! “Audi” përplas motomjetin, lëndohet drejtuesi

Një aksident automobilistik ka ndodhur mbrëmjen e sotme në qytetin e Durrësit. Një i ri që lëvizte me një motor mbeti i plagosur rëndë pas...

Dash Sula: Në 20 vite politikë kam vetëm një budallallëk, futbollin

Deputeti i Partisë Demokratike, Dashnor Sula, i ftuar në "Off the Record" me Andrea Dangllin, veç të tjerave foli edhe për periudhën kur ai...

Majlinda Bregu: Basha na përzuri me një të rënë të lapsit

Majlinda Bregu, ish-ministre e Integrimit Evropian, ish-deputete e Partisë Demokratike dhe politikane, së fundmi e emëruar Komisionere në Komisionin Pan-Europian për Klimën dhe Shëndetin...

Mero Baze: Një gjyq kundër plaçkitjes në emër të pushtetit

Të hënën nis procesi i parë gjyqësor ndaj Sali Berishës, nën një akuzë që në thelb është kapje e shtetit. Akuza ngre dyshime se...

Lajme të tjera

Web TV