Edhe pse u bënë disa vite që është larguar nga Shqipëria, Greta Koçi nuk është shkëputur kurrë nga publiku shqiptar. Ajo vijon të jetë pjesë e gëzimeve të tyre familjare, të publikojë herë pas here këngë të reja, si dhe të ruajë kontaktet me fansat falë rrjeteve sociale.
E duke u ndalur te këta të fundit, duhet thënë që disa prej syresh filluan të komentonin gjerë e gjatë në TikTok veshjen e saj në dasmat ku performonte. Ndryshe nga ç’jemi mësuar ta shohim zakonisht, të kuruar dhe elegante, Greta shfaqej në këto evente private më sportive e kësisoj lindi dyshimi se diçka po ndodhte me të.
Dhe po, diçka e bukur po ndodh. Një jetë e re tashmë rritet saj, një qenie që brenda pak muajsh do e bekojë me emrin nënë. Artistja ka publikuar në Instagram-in e saj një video nga babyshower-i, festa e zbulimit të gjinisë së bebes, që ka organizuar. Ajo shfaqet duke përkëdhelur barkun e rrumbullakosur e ndër të tjera shkruan: “Në pritje të ëmbël… më e lumtur se kurrë”. Të shumtë janë miqtë, kolegët dhe ndjekësit që e kanë uruar./E.Ç
