Aksionet e Apple ranë me 2.9% të enjten pas raportimeve se Kina do të ndalojë përdorimin e iPhone-ve tek agjencitë dhe kompanitë qeveritare.
Investitorët po shqetësohen për aftësinë e kompanisë publike më të vlefshme në botë për të bërë biznes në ekonominë e dytë më të madhe në botë.
Apple humbi rreth 200 miliardë dollarë, fill sapo Kina njoftoi planet e ardhshme për ndalimin e iPhone-ve.
Kina është tregu më i madh i huaj për produktet e Apple dhe shitjet në Kinë përfaqësonin rreth një të pestën e të ardhurave totale të vitit të kaluar. Apple nuk zbulon shitjet e iPhone sipas vendeve, por analistët në firmën kërkimore TechInsights vlerësojnë se ka pasur më shumë shitje të iPhone në Kinë sesa në Shtetet e Bashkuara tremujorin e kaluar.
Apple gjithashtu i prodhon shumicën e iPhone-ve në fabrikat kineze.
Vendimi për ndalimin e iPhone-ve erdhi fill sapo Shtetet e Bashkuara të Amerikës njoftuan se do të hetonin telefonat inteligjentë të kompanisë kineze Huawei./E.Ç
