Një i dënuar ka ndërruar jetë në QSUT këtë të enjte nga arresti kardiorespirator. Mësohet se 62 vjeçari Islam Binjaku, i dënuar me 10 vite burg për drogë, ndodhej në reanimacion që prej datës 31 Gusht. Ekspertët e mjekësisë ligjore dhe policia po ndjekin procedurat ligjore.
Njoftimi i plotë:
I dënuari Islam Refat Binjaku, i datëlindjes 27.03.1961, lindur në Fier dhe banues në Tiranë, i dënuar me 10 vite për lëndë narkotike, ka ndërruar jetë në Qendrën Spitalore Nënë Tereza, Tiranë.
I ndjeri është shtruar në Reanimacionin Qëndror të Qëndrës Spitalore Universitare Nënë Tereza me datë 31.08.2023. Me datë 14.09.2023, ndërron jetë në Reanimacionin Qendror në QSUT me diagnozë Arrest Kardiorespirator.
Ekspertët e Mjeksisë Ligjore, si dhe oficerët e policisë gjyqësore të SHKBB, po ndjekin procedurat ligjore.
Drejtoria e Përgjithshme e Burgjeve i shpreh ngushëllimet familjes së të ndjerit./ S.M
