UNICEF: Numri i emigrantëve të vdekur në Mesdhe është trefishuar që nga viti i kaluar

113 563 lexime

124,178FansaPëlqeje

Tre herë më shumë emigrantë vdiqën ose u zhdukën këtë verë në përpjekje për të kaluar Mesdheun sesa në vitin 2022, tha sot UNICEF. Nga qershori deri në gusht të paktën 990 njerëz u mbytën në Mesdheun qendror, rruga më e rrezikshme e migrimit në botë që lidh Afrikën e Veriut me Europën.

Ky numër është tre herë më shumë se 334 emigrantë që vdiqën në të njëjtën periudhë të vitit 2022, sipas raportit të agjencisë së OKB-së. Megjithëse numri i përgjithshëm i fëmijëve që vdiqën në Mesdhe nuk është i saktë, UNICEF regjistroi rreth 12 fëmijë çdo javë në korrik, 11,600 “të mitur të pashoqëruar” u përpoqën të arrinin në Itali nga janari deri në mesin e shtatorit 2023 me anije, pra 60  % më shumë se e njëjta periudhë e vitit të kaluar (7200).

“Mesdheu është kthyer në një varrezë për fëmijët dhe të ardhmen e tyre. Numri tragjik i vdekjeve të fëmijëve që kërkojnë azil dhe siguri në Europë është rezultat i zgjedhjeve politike dhe një sistemi joadekuat të imigracionit”, tha Regina De Dominicis, drejtuese e UNICEF-it për këtë çështje.

Në total, Komisioneri i Lartë i Kombeve të Bashkuara për Refugjatët (UNHCR) njoftoi gjatë një takimi të Këshillit të Sigurimit kushtuar krizës në Mesdhe, se 2500 emigrantë kanë humbur jetën ose janë zhdukur nga 1 janari deri më 24 shtator 2023, një rritje  prej 50 % krahasuar me të njëjtën periudhë të vitit të kaluar.

Me 8,500 njerëz mbërritën në tre ditë në ishull, një numër më i madh se popullsia e Lampedusa.

Qeveria e kryeministres italiane Giorgia Meloni, e udhëhequr nga një koalicion i krahut të djathtë dhe të ekstremit të djathtë, miratoi të mërkurën mbrëma një projekt-dekret që hap rrugën për të miturit e pashoqëruar mbi 16 vjeç për t’u strehuar në ambiente të rriturish.

Lexo edhe :  Trump rinovon Shtëpinë e Bardhë: Do të ndërtoj një sallë vallëzimi prej 200 mln dollarësh

Njëkohësisht, parashikon kryerjen e kontrolleve mjekësore për përcaktimin e moshës së të miturve.

Drafti, i cili nuk është miratuar nga parlamenti ku koalicioni qeverisës ka shumicën absolute, parashikon paraqitjen e të miturve të pashoqëruar në radiografi për të përcaktuar moshën e tyre./I.S

Të fundit

1 gusht 1291 – Formimi i Konfederatës Zvicerane

Në fundin e shekullit XIII, territoret alpine që sot përbëjnë Zvicrën ishin pjesë e Perandorisë së Shenjtë Romake. Këto...

Rrebeshe dhe dy valë nxehtësie, ja sesi do të jetë moti në gusht

Muaji gusht do të jetë më i qëndrueshëm dhe nuk do të përjetojmë temperaturat ekstreme të korrikut. Këtë paralajmëroi meteorologia e A2 CNN Tanja...

Bonusi i bebes, Rama: Më shumë se 237 mijë fëmijë e kanë përfituar që prej vitit 2019

Më shumë se 237 mijë fëmijë kanë përfituar bonusin e bebes prej fillimit të programit të qeverisë në janar 2019,  njoftoi sot kryeministri Edi Rama. Përmes...

Trump rinovon Shtëpinë e Bardhë: Do të ndërtoj një sallë vallëzimi prej 200 mln dollarësh

Presidenti i SHBA-së, Donald Trump, i cili po rinovon Shtëpinë e Bardhë sipas dëshirës së tij, do të ndërtojë një sallë vallëzimi masive për...

Martesë në burgun e Fierit, një histori dashurie që sfidon izolimin

Në një realitet të mbushur me kufizime, ku muret ndajnë botën e jashtme nga ajo e brendshme, një histori e rrallë por mjaft e...

Lajme të tjera

Web TV