Presidenti Bajram Begaj u takua sot me një grup të moshuarish në fshatin Togëz, në Librazhd.
Në këtë takim, Presidenti Begaj shprehu domosdoshmërinë e një vëmendjeje të shtuar ndaj moshës së tretë.
“Gjej rastin të shpreh domosdoshmërinë e një vëmendjeje të shtuar ndaj moshës së tretë, jo vetëm nga institucionet, por nga çdokush që mund t’i qëndrojë pranë atyre, që mund të komunikojë me ta, t’i dëgjojë, apo t’u japë një dorë ku të mbështeten”, u shpreh presidenti Begaj
Ai apeloi për më shumë dashuri e vëmendje ndaj tyre.
”Pasi i kanë shërbyer me përkushtim familjes, shoqërisë, vendit, të moshuarit meritojnë të marrin në këmbim mirënjohjen, respektin, dhe mbi të gjitha, çdo shërbim të nevojshëm për të patur një jetesë sa më cilësore”, apeloi presidenti. / S.M
