Deputeti demokrat, Edi Paloka e ka konsideruar Lulzim Bashën si personazhin më qesharak të 30 viteve, bazuar në aktin e fundit të kreut demokrat, atë të përjashtimit të 11 deputetëve.
Paloka tha se në bashkëpunim me Ramën, Basha do ta mbajë parlamentin me tensionin e përplasjes së PD.
“Një nga qëllimet përveç ndihmës që i jep Ramës është edhe kjo që për të thënë bardhi dikur ka qenë me mua dhe ka përjashtuar deputetë dhe tani është me ata që ka përjashtuar. Bardhi ka ndryshuar pozicion. Ka kuptuar kush është Basha, e ka kuptuar vetë.
Ajo që bëri Basha është mbajtja e parlamentit në tensionin e përplasjes së PD, në parlament diskutohet më shumë kush duhet të udhëheqë grupin e PD, sesa dhjetëra skandalet e çështjet e rëndësishme. Lul Basha i ngre topin Ramës që ne të merremi nja dy orë. Hilja alla Rama për ta implikuar edhe Gaz Bardhin. Qëllimi kryesor është të mbajë parlamentin me tension”, u shpreh Paloka./ S.M
