Policia Rrugore e Tiranës ka marrë masat duke shtuar kontrolle në akse rrugore për të evidentuar dhe ndëshkuar të gjithë drejtuesit e mjeteve që shkelin rregullat e qarkullimit dhe vënë në rrezik jetën e qytetarëve.
Kontrollet janë fokusuar kryesisht tek ata drejtues automjetesh që parkojnë në mënyrë të gabuar duke u bërë shkak për krijimin e trafikut të rënduar, ata që qarkullojnë me shpejtësi mbi normat e lejuara dhe ata që parakalojnë në mënyrë të gabuar, duke u bërë burim aksidenti.
Për shkeljet e lartpërmendura, gjatë javës që lamë pas, Policia Rrugore e Tiranës ka ndëshkuar me masë administrative 12 607 drejtues automjetesh.
Në fund, Policia Rrugore e Tiranës u ka bërë apel drejtuesve të mjeteve që të respektojnë rregullat e qarkullimit rrugor, si dhe për të gjithë qytetarët, që të denoncojnë shkeljet./ S.M
