Megjithëse Tristan e tradhtoi kur ajo ishte shtatzënë, ajo u përpoq t’i jepte mundësi të tjera.
SHBA- Khloe Kardashian ka habitur me deklaratën e papritur në episodin e radhës “The Kardashian”. Khloe deklaroi se marrëdhënia mes saj dhe Tristan, ish-in që e tradhtoi disa herë ka marrë fund, por tanimë, i referohet atij si “njeriu i saj” dhe thotë se në një të ardhme, mund të pajtohen sërish, shkruajnë mediat e huaja.
Megjithëse Tristan e tradhtoi kur ajo ishte shtatzënë, ajo u përpoq t’i jepte mundësi të tjera dhe shihte çdo herë si ai e tradhtonte sërish. Pavarësisht të gjithave Kardashian la të kuptohej se nuk e ka vendosur përgjithmonë Thompson në zonën e miqve.
“Nuk e di se ç’do të ndodhë pas 5-10 viteve. Nëse ai është “njeriu im”, është e shkruar të jetë, por tani, nuk dua që ta vështirësoj më shumë jetën time”, tha ajo.
Dyshja janë prindër të dy fëmijëve, vajzës True 5 vjeç dhe djalit Tatum 1 vjeç./I.S
