Kryeministrja e Serbisë, Ana Brnabiç, sot do të marrë pjesë në Samitin e Procesit të Berlinit që do të zhvillohet në Tiranë.
Siç ishte paralajmëruar më herët, Prishtina në Samit do të përfaqësohet nga Albin Kurti, ndërsa Beogradi nga Ana Brnabiç.
Ndërkohë presidenti i Serbisë, Aleksandër Vuçiç po udhëton drejt Kinës, ku do të marrë pjesë në forumin e tretë “Belt and Road”. Në këtë forum do të jetë i pranishëm edhe presidenti i Rusisë, Vladimir Putin.
Për herë të parë këtë vit, Samiti i Procesit të Berlinit po mbahet jashtë kuadrit të Bashkimit Evropian dhe do të presë liderët e Ballkanit dhe BE-së, duke përfshirë presidentin francez Emmanuel Macron, kancelarin gjerman Olaf Scholz, presidentin e Komisionit Evropian, Charles Michel, dhe Ursula von der Leyen.
Një nga temat kryesore pritet të jetë dialogu Beograd-Prishtinë, pas konfliktit në Banjskë.
Para fillimit të Samitit, kryeministrja Brnabiç do të zhvillojë një takim dypalësh me presidenten hungareze Katalin Novak, ndërsa në pushimin e Samitit do të takohet me kryeministrin grek Kyriakos Mitsotakis dhe ministrin e Punëve të Jashtme të Britanisë së Madhe dhe Irlandës së Veriut, James Cleverley./ S.M
