Britney Spears, në librin e saj me kujtime “The Woman in Me” ka konfirmuar zërat se e ka tradhtuar Justin Timberlake me koreografin Wade Robson, (i cili më vonë akuzoi Michael Jackson për abuzim seksual).
Këngëtarja e hitit “Toxic” shkroi se ajo e tradhtoi me koreografin pasi kërcyen në një club spanjoll.
“Ne dolëm një natë dhe shkuam në një bar spanjoll. Kërcyem e kërcyem”, shkroi Spears dhe shtoi se së bashku kryen marrëdhënie seksuale.
Në të njëjtëin libër, Brit akuzoi Justin se ai e kishte tradhtuar me një V.I.P, identitetin e së cilës nuk e zbuloi, pasi ajo ka krijuar familje dhe Britney nuk donte që ta turpëronte publikisht. Megjithatë, njerëzit aludojnë se ai e tradhtoi me këngëtaren Nicole Appleton. Zërat burojnë nga disa foto paparacësh, ku Justin dhe Nicole mundohen t’u shpëtojnë fotografëve dhe shkojnë në dhomën e hotelit të këngëtarit.
Gjithashtu, në vitin 2000, qarkulloi edhe një foto, ku Justin, 19 vjeç asokohe dhe Nicole, 25 vjeç në vitin 2000, janë në të njëjtën makinë, duke u munduar t’u shmangen paparacëve.
Spears rrëfeu edhe për abortin që kreu pasi Justin s’ishte gati të bëhej baba, duke e cilësuar eksperiencën si më të dhimbshmen që ka përjetuar./E.Ç
