Dieta e Victoria Beckham ka qenë gjithmonë një temë diskutimi në mediat sociale. Por interesi për zakonet e të ngrënit të yllit janë rishfaqur kohët e fundit pas publikimit të Beckham në Netflix.
Në veçanti, të gjithë dëshirojnë të dinë më shumë për dietën e saj pasi ish-Spice Girl zbuloi se ha katër avokado në ditë. Mesa duket ky është pikërisht sekreti i saj, për një formë trupore të mahnitshme dhe lëkurë gjithmonë rrezatuese, edhe në moshën 50-vjeçare.
Avokado përmban yndyrna të shëndetshme dhe lëndë ushqyese, dhe është e pasur me proteina dhe minerale, të cilat janë të shkëlqyera për lëkurë të shëndetshme.
Avokado është gjithashtu plot me vitamina të shijshme. Këto përfshijnë vitaminën C, e cila është e nevojshme për prodhimin e kolagjenit, i cili e mban lëkurën të shëndoshë dhe elastike, dhe vitaminën E, një antioksidant që ndihmon në mbrojtjen e lëkurës nga rrezet ultravjollcë të diellit.
Në një intervistë më herët, Victoria Beckham kishte folur për pasionin e saj për avokadon, duke treguar më shumë për dietën e saj “të disiplinuar”.
“Unë jam fleksibël kur bëhet fjalë për ushqimin, pasi Davidi dhe unë na pëlqen të hamë jashtë. Por kur ha mirë, shoh ndryshimin në lëkurën time. Unë ha shumë peshk të freskët, perime dhe sallata të freskëta, si dhe fara dhe arra. Unë gjithashtu i dua frutat, por nuk ha shumë, pasi më bën të ndihem shumë e fryrë”.
“Jam shumë e disiplinuar me dietën time. Vetëm kështu përfitoj sa më shumë nga trupi im”, tha stilistja./E.Ç
