Ish-deputeti Mark Frroku është arrestuar sot pas sherrit në Kepin e Rodonit për motive pronësie.
Lidhur me sherrin u arrestuan 8 persona, për motive pronësie mes banorëve dhe përfaqësuesve të Kishës Katolike ku pati dhe të shtëna me armë dhe të lënduar.
Mësohet se personi i cili ka qëlluar me armë është identifikuar si Besnik Toma ndërsa bëhet me dije se është edhe shoferi i ish-deputetit.
Sipas burimeve, lidhur me ngjarjen Frroku ka deklaruar para hetuesve se ka lidhje familjare (nip) me Besnik Tomën.
Kujtojmë se prej ditës së djeshme Toma ndodhet në arrati ndërsa në kërkim janë shpallur edhe disa persona të tjerë./ S.M
