Policia e Nashville sqaron se dy oficerë policie shkuan në një shtëpi në Antioki, duke iu përgjigjur një telefonate urgjente se një burrë po mbante peng një tjetër burrë me thikë.
SHBA- Familjarët e një 30-vjeçari në Tenesi akuzojnë policinë e Nashville se ka qëlluar dhe vrarë një person me probleme të shëndetit mendor. Kamerat tregojnë një burrë që ishte me shpinë kur ai u qëllua për vdekje. Policia e Nashville sqaron se dy oficerë policie shkuan në një shtëpi në Antioki, duke iu përgjigjur një telefonate urgjente se një burrë po mbante peng një tjetër burrë me thikë.
Telefonata ishte bërë nga nëna dhe motra e 30-vjeçarit të vrarë, Joshua Kersey, të cilat i pohuan oficerëve se ai po mbante peng me një thikë shokun e tij. Pasi kanë tentuar të negociojnë, dy policët kanë tentuar të hyjnë brenda në shtëpi për të gjetur dy burra që luftonin dhe binin në tokë.
“Oficeri Ranseen ekzekutoi një burrë të pambrojtur. Nuk ka asnjë mënyrë tjetër për ta thënë atë. Që në fillim ai tregoi një shpërfillje totale për jetën. Ai vendosi që Joshua Kersey duhej të vdiste dhe asgjë nuk do ta ndalonte”, thuhet në një deklaratë të familjes së Kersey-t./I.S
