Makina fillimisht ka përplasur vajzën, e cila ndodhet në gjendje të rëndë për jetën në spitalin e Traumës.
TIRANË– Në makinën tip “Mercedes Benz” që përplasi çiftin në Tiranë, ndodheshin dy djem. Mjeti mësohet të ketë qenë me shpejtësi të lartë dhe në momentin që ka kaluar rrugën “Ismail Qemali”, pranë Liceut, drejtuesi ka humbur kontrollin e tij.
Për këtë makina ka përfunduar në trotuar dhe ka përplasur çiftin që po ecte në këmbë. Fillimisht ka përplasur vajzën, e cila ndodhet në gjendje të rëndë për jetën në spitalin e Traumës.
As djali nuk ka shpëtuar pa u plagosur. Dyshes u është dhënë ndihma e parë nga një mjek që po kalonte rastësisht në rrugën në momentin që ndodhi aksidenti. Ndërsa dy djemtë që ndodheshin në mjet, janë shoqëruar në komisariat./I.S
