Demonstruesit pro-palestinezë kanë protestuar në mbarë botën duke bërë thirrje për t’i dhënë fund konfliktit i cili ka vazhduar për gati një muaj. Qindra mijëra protestues marshuan sot në qendër të kryeqytetit indonezian Xhakarta, duke kërkuar që Izraeli të ndalojë bombardimet ndaj Gazës.
Shumë demonstrues mbanin pankarta me mbishkrimin:”Shpëtoni Palestinën”. Disa ministra dhe politikanë të kabinetit, duke përfshirë ministrin e jashtëm të Indonezisë dhe kryetarin e dhomës, morën pjesë në protestë.
Kjo pason një sërë protestash që u zhvilluan ditën e djeshme në mbarë globin, duke përfshirë edhe Londrën, ku policia arrestoi 29 persona. Dhjetëra mijëra njerëz marshuan në Uashington, Berlin, Stamboll, Paris, Sidnei, Ankara dhe Karakas të shtunën.
