Çmontohet banda e “Call Center-ave” në Tiranë (VIDEO)

113 563 lexime

124,178FansaPëlqeje

Policia e Tiranës ka “çmontuar” dy Call Centera të cilët mashtronin gjatë natës shtetas nga disa kontinent që të investonin në tregje fiktive.

Operacioni u ndërmor pas hetimeve 6-mujore nga Sektori për Hetimin e Krimeve Ekonomiko-Financiare, në Departamentin e Policisë Kriminale, në DPPSH, në bashkëpunim me Drejtorinë e Forcës së Posaçme Operacionale dhe me Drejtorinë Vendore të Policisë Tiranë.

Në pranga kanë rënë 8 persona, bashkëpronarë dhe punëtorë në 2 subjektet call center, të cilët dyshohet se i pastronin të ardhurat e përfituara nga mashtrimet, nëpërmjet bizneseve të tyre dhe të të afërmve.

Të dyja subjektet ekonomike dhe 75 punonjës të gjetur në to, rezultojnë të paregjistruara në organet tatimore.

Të arrestuar

Si rezultat i operacionit, u vunë në pranga shtetasit: E. S., 32 vjeç, banues në Tiranë, E. P., 28 vjeç, banues në Tiranë, M. S., 29 vjeç, banues në Tiranë, E. H., 23 vjeç, banues në Fushë Krujë, A. H., 32 vjeçe, banuese në Tiranë, S. B., 35 vjeç, banues në Vlorë, F. H., 27 vjeçe, banuese në Tiranë dhe E. M., 26 vjeçe, banuese në Tiranë.

Hetimet

Nga hetimet rezultoi se këta shtetas, nëpërmjet 2 subjekteve ekonomike call center, të paregjistruara, në kryeqytet (me administrator shtetasin E. S. dhe me bashkëpronar shtetasin E. P.), mashtronin shtetas nga disa kontinente, kryesisht gjatë orëve të natës, që të investonin shuma të konsiderueshme parash, në tregje fiktive. Gjithashtu, nga hetimet dyshohet se të ardhurat që gjeneronin nga kjo veprimtari kriminale, këta shtetas i pastronin nëpërmjet bizneseve të tyre dhe të të afërmve.

Çfarë u sekuestrua

Nga kontrollet, në të dyja call centerat u gjetën 75 punonjës të paregjistruar, si dhe u sekuestruan në cilësinë e provës materiale 13 500 euro, një automjet luksoz, prodhim i viteve të fundit, 75 laptopë, 25 kompjuterë, 35 celularë, 2 servera, 2 DVR dhe disa blloqe shënimesh, me emrat e shtetasve të mashtruar.

Lexo edhe :  “Kosova është gati për NATO!”/ Presidentja Osmani krah ushtrive në “Defender Europe 25”

Vijojnë hetimet intensive për të identifikuar dhe për të arrestuar shtetasit e tjerë që mund të jenë përfshirë në këtë veprimtari kriminale, si dhe për të gjurmuar dhe për të sekuestruar asetet e përfituara në kundërshtim me ligjin.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./E.T

Të fundit

Zbulohen emrat: Kush janë shqiptarët që “mbushën” Finlandën me drogë

Janë bërë publikë emrat e disa prej të arrestuarve në kuadër të operacionit të përbashkët të Prokurorisë së Posaçme...

Rreziku për jetën në Tokë vjen nga Venusi, zbulohet arsyeja

Një rrezik i pazakontë mund të vijë nga hapësira në të ardhmen e afërt. Sipas një studimi të udhëhequr nga Valerio Carruba, profesor në...

Shpëtimi vjen nga PD, jo nga PPE

Kryetari i Partisë Demokratike, Sali Berisha, qartësisht po kërkon të “ndërkombëtarizojë” pretendimet se zgjedhjet e 11 majit u manipuluan që në gjenezë nga qeverisja,...

Dështoi te Bayern, Juventusi e fton në Torino për një revolucion në merkato

Juventusi po planifikon një revolucion total për sezonin e ardhshëm futbollistik. Klubi italian raportohet se do t'i besojë Hasan Salihamidzic, ish-drejtor i Bayern, sipas Tuttosport....

DHL më fund kthen përgjigje për akuzat me votën e diasporës

Kompania postare DHL ka reaguar për herë të parë në lidhje me procesin e transportit të votave të diasporës shqiptare për zgjedhjet e 11...

Lajme të tjera

Web TV