Ka shpërthyer dhuna mes policisë dhe mijëra protestuesve gjatë natës së katërt të demostratave jashtë selisë së Partisë Socialiste në Madrid.
Të enjten mbrëma, protestuesit hodhën shishe, kanaçe birre dhe fishekzjarre në kordonin e policisë që mbronte selinë.
Policia përdori shkopinj, gaz lotsjellës dhe plumba gome për të shpërndarë turmën ndërsa tensionet u përshkallëzuan. Protestat u shkaktuan nga marrëveshja e Partisë Socialiste me një parti separatiste katalonase, duke i dhënë amnisti njerëzve që ishin përpjekur ta shpallin pavarësinë e Katalonias.
Në këmbim, partia separatiste mbështeti ofertën e kryeministrit në detyrë, Pedro Sanchez për të formuar një qeveri të re.
Rikujtojmë se themeluesi i ekstremit të djathtë Vox dhe ish-lideri i Partisë Popullore (PP) konservatore në Kataloni, Alejo Vidal-Quadras, u qëllua në kokë në Madrid.
Vidal-Quadras raportohet të jetë në gjendje të qëndrueshme ndërsa sulmuesi dyshohet se u largua me një motoçikletë.
Protestat raportohet se pritet të vazhdojnë deri në fund të muajit nëntor. /O.S
