Gazetari i njohur, Artan Hoxha në emisionin “Opinion” dha detaje të tjera në lidhje me arrestimin e kreut të kartelit të drogës, Dritan Rexhepi.
Ai theksoi se Dritan Rexhepi fliste 5 gjuhë të huaja, të cilat i kishte mësuar në burgje dhe jo në shkolla.
Hoxha tha ndër të tjera se ai do të donte që ekstradimi i tij të ndodhte në Shqipëri, ndërsa shtoi se Rexhepi jetonte në Stamboll me bashkëshorten dhe fëmijët.
“Dritan Rexhepi fliste 5 gjuhë të huaja dhe gjuhët e huaja nuk i ka mësuar në shkollë, i ka mësuar në burgje. Atij nuk i është mundësuar avokati dhe është lënë një afat 90 ditor për ekstradimin. Avokati ka kërkuar ta takojë Dritanin në ambientet e burgut dhe i kanë thënë që do ta takosh, por përkthyesin do ta kemi ne. Avokati nuk ka pranuar dhe e ka takuar Dritanin vetëm në sallën e gjyqit. Bashkëshorten dhe fëmijët duan t’i kthejnë sërish në Ekuador”, tregoi Hoxha./e.t
