Një 30-vjeçar është marrë peng nga 3 persona në Durrës, për një borxh prej 6 mijë paund që i kishte një prej autorëve.
I riu Blerim Hanku, banues në Paskuqan, është futur me forcë në një makinë tip BMW nga shtetasit Iljaz Kotorja, Geri Cani dhe Jurgen Delia.
Pasi e morën ata janë nisur në drejtim të Shkozetit, por ndërhyrja e policisë ka bërë të mundur lirimin e 30-vjeçarit.
“Nga veprimet e para hetimore rezultoi se shtetasi B. H. ishte marrë dhe mbajtur pa dëshirën e tij, në automjetin tip “BMW X5”, nga shtetasit I. K., 27 vjeç, banues në Paskuqan, Tiranë, G. C., 26 vjeç, banues në lagjen nr.13, Durrës dhe J. D., 29 vjeç, banues në lagjen nr.14 Shkozet, Durrës”, thuhet në njoftimin zyrtar.
Këta tre shtetas po e kërcënonin Hankun për t’iu dhënë shumën 6 000 paund, të cilën shtetasi Iljaz Kotorja pretendonte se ia kishte detyrim për një çështje droge në kohën kur të dy këta shtetas kryenin dënimin për narkotikë, në shtetin britanik, në të njëjtën qeli burgu./e.t
