Janë dyfishuar truprojat speciale që do të ruajnë prokurorët dhe gjyqtarët që kërcënohen nga krimi apo nga të korruptuarit.
Nga 49 forca struktura e re e Njësisë së Mbrojtjes së Veçantë është kthyet në super njësi me 103 persona. Njësia e blinduar që njihet ndryshe si RES, u propozua nga drejtori i përgjithshëm i Policisë Muhamet Rrumbullaku dhe u firmos nga ministri i Brendshëm Taulant Balla.
Të dy zyrtarët kanë qenë më herët në një nga mbledhjet e KLP-së për masat që duhen ndryshuar jo vetëm për ruajtjen e jetës së prokurotëve dhe gjyqtarëve por edhe për perimetrin e sigurisë së godinave.
Me përjashtim të kreut të SPAK Altin Dumani që për shkak të detyrës ruhet nga garda e Republikës, Irena Gjoka si kryegjyqtare e posaçme ka katër oficerë të gardës për shkak të funksionit dhe dy të tjerë janë shtuar pas vendimit gjyqësor në dosjen “Partizani”./e.t
