Të shtëna me armë zjarri janë raportuar në fshatin Prush të Tiranës.
Gazetarja e Top Channel, Dorjana Bezat, njofton se sipas të dhënave paraprake disa persona kanë tentuar të vjedhin me armë një banesë.
Në momentin që policia ka mbërritur në vendin e ngjarjes pas denoncimit, autorët kanë hapur zjarr ndaj tyre.
Ndërkohë kanë reaguar edhe uniformat blu, duke shkaktuar shkëmbim zjarri mes të dyja palëve.
Nuk ka të lënduar nga të dyja palët, por autorët ende të paidentifikuar kanë mundur të largohen.
Policia është në ndjekje të tyre, ndërsa ende nuk dihet saktësisht se sa persona janë të përfshirë në krim./O.S
