Një 14 vjeçar me inicialet E.K po procedohet në gjendje të lirë nga Policia pasi dyshohet se plagosi me mjet prerës thikë, 2 shtetas të mitur.
ë plagosurit morën mjekim në spital dhe mësohet se janë jashtë rrezikut për jetën.
Ndërkohë, po ashtu procedohet në gjendje të lirë një 16-vjeçar i cili drejtonte një motomjet pa leje drejtimi.
Pas tij, edhe një 53 vjeçar është vënë në lupën e uniformave blu, ndërsa është kapur duke transportuar një sasi drush për zjarr, të prerë në mënyrë të kundërligjshme
Njoftimi i Policisë:
DVP Shkodër/Procedohen në gjendje të lirë 3 shtetas, për vepra të ndryshme penale.
Në vijim të informacionit paraprak të dhënë pasditen e djeshme, për një konflikt mes disa shtetasve të mitur, në vendin e quajtur “Stadiumi”, informojmë se specialistët për Hetimin e Krimeve të Komisariatit të Policisë Shkodër, në vijim të veprimeve hetimore të kryera për këtë rast, kanë referuar materialet në Prokurori ku ka nisur procedimi në gjendje të lirë për shtetasin E. K., 14 vjeç, banues në Shkodër.
2 shtetasit e mitur të cilët dyshohet se i dëmtoi me mjet prerës, 14-vjeçari, gjatë konfliktit për motive të dobëta, morën mjekim në spital dhe janë jashtë rrezikut për jetën.
-Specialistët e Qarkullimit Rrugor referuan materialet në Prokurori ku nisi procedimi në gjendje të lirë për shtetasin A. Z., 16 vjeç, banues në Shkodër, pasi u kap duke drejtuar motomjetin, pa leje drejtimi.
-Specialistët për Hetimin e Krimeve të Komisariatit të Policisë Pukë referuan materialet në Prokurori ku nisi procedimi në gjendje të lirë për shtetasin Gj. N., 53 vjeç, banues në fshatin Mirditë, pasi është kapur duke transportuar me automjet, një sasi drush për zjarr, të prerë në mënyrë të kundërligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./O.S
