Të shtëna me armë zjarri janë dëgjuar pasditen e sotme edhe në zonën e Kamzës. Sipas njoftimit të policisë, bëhet fjalë për një 33-vjeçar J.K., i cili ka qëlluar në drejtim të dy shtetasve, I.H., 45 vjeç dhe A.H., 39 vjeç dhe më pas është larguar nga vendngjarje.
Të shtënat janë dëgjuar në rrugën “OSBE” në zonën e Kamzës dhe menjëherë forcat e policisë kanë ardhur në vendin ku janë dëgjuar krismat. Megjithatë sipas policisë, nuk bëhet fjalë për persona të lënduar apo të plagosur.
Sakaq, është sekuestruar një automjet tip “Golf”, i cili dyshohet se është në pronësi të autorit të dyshuar dhe po vijohet puna për kapjen e tij.
Njoftimi i Policisë:
Kamëz/Informacion paraprak
Më datë 24.12.2023, në rrugën “OSBE”, në Kamëz, shtetasi J. K., 33 vjeç, dyshohet se ka qëlluar me armë zjarri në drejtim të shtetasve I. H., 45 vjeç, dhe A. H., 39 vjeç, dhe më pas është larguar.
Nga të shtënat me armë zjarri nuk ka persona të dëmtuar.
Në cilësinë e provës materiale është sekuestruar automjeti tip “Golf”, i autorit të dyshuar, dhe vijon puna nga shërbimet e Policisë, për kapjen e tij.
Grupi hetimor po punon për sqarimin e rrethanave të ngjarjes./e.t
