Pritshmëritë ishin të ndryshme dhe ato nuk i fsheh as argjendaria Baravelli në Ferrara. Dy vite më parë u mor vendimi për të shitur disa produkte të influencueses Chiara Ferragni, me besimin se do të ishte një sukses. Megjithatë, gjërat shkuan ndryshe. “Ne po shesim artikujt e fundit me zbritje deri në 50%”, thotë pronari Paolo Baravelli.
“Atëherë nuk do të rinovojmë më marrëveshjen me markën Ferragni e cila është mbështetur në Morellato për krijimin e gjerdanëve, unazave, byzylykëve dhe orave”, tha ai.
“Ka zhgënjim: produktet nuk po shiten aq shpejt sa pritej. Ne ishim ndër të parët që u bashkuam, që kur projekti doli në fund të 2021. Në fillim kishte kuriozitet dhe shitej mirë, por pa pasur radhë në dyqan siç do të prisnit nga një influencues me gati 30 milionë ndjekës. Më pas shitjet u ngadalësuan shumë dhe, tashmë vumë re një farë neverie nga ana e konsumatorëve. Kur shfaqnin produktet e markës Ferragni, shumë në fakt thanë se nuk i donin, duke preferuar produkte pa markë”, shtoi ai.
Pra, realiteti rezulton të jetë shumë i ndryshëm nga ai që imagjinohej.
“Ferragni i promovoi keq bizhuteritë e saj dhe, kur i bënte, mbante gjithmonë të njëjtat modele, dhe në shumë raste krahas bizhuterive luksoze nga shtëpitë e mëdha të modës, nga koleksioni i saj personal, ndaj të cilëve ishte e vështirë të konkurroje”, tha ai./E.Ç
