Jennifer Lopez i ka parë meme-t nëpër internet dhe këmbëngul se i shoqi, Ben Affleck, është i lumtur, pavarësisht se duket sikur ka kaluar vitin më të keq të jetës.
Ben dhe Jen u shfaqën në Golden Globe dhe J.Lo, pasi foli për filmin dhe albumin që pritet të publikohen këtë vit, tregoi edhe pak për aktorin, i cili sa herë që fotografohet, është me vetulla të ngrysura.
“Ben është mirë. Nuk duhet të shqetësoheni për të. Ai është mirë, është i lumtur”, theksoi ajo, edhe pse fytyra e tij sikur nuk kordinohet shumë me fjalët e së shoqes. Gjithsesi, ai mbase ka një “rest face” (fytyrë që natyrshëm duket si e mërzitur/me nerva) dhe kaq.
Dyshja u martua në vitin 2022, duke e ringjallur romancën e tyre. Këtë herë, për Ben ishte një rikthim në eventin e Golden Globe, në të cilin ai ishte shfaqur për herë të fundit në vitin 2017. Sa i përket J.Lo, dalja e fundit në tapetin e kuq të ceremonisë ishte në vitin 2020, krah ish-të fejuarit, Alex Rodriguez./E.Ç
