Nga data 4 janar e deri më sot 1200 punonjës në fasoneri janë larguar nga puna për shkak të krizës financiare nga rënia e euros në kursin e këmbimeve dhe eksporteve. Por ajo që pritet për këtë sektor do të jetë edhe më fatale.
Kreu i shoqatës ‘Pro Eksport Albania’, Edvin Prençe, në një intervistë për Report Tv për emisionin ‘Sot Live në Shqipëri’, tha se me këto shifra deri në muajin qershor do të ketë 20-25 mijë vende pune të humbura.
‘Mungesa e theksuar që bizneset kanë në likuiditet. Kjo problematike ka filluar të japë frytet e saj të cilat në shumicën e rasteve ndodhin në zonat rurale dhe të thella, këto njerëz përtej humbjes së vendit të punës do të kenë edhe një impakt sociale. Që nga fillimi i aktivitetit ekonomike kanë humbur vendin e punës 1200 persona.
Muaji janar shkurt do të jenë të frikshëm, nëse nuk do të ketë një reflektim dhe për të ndalur këtë pandemi ekonomike mendoj se deri në muajin qershor do të jemi 20- 25 mijë vende pune të humbura. Dhe e përsëris ky sektor ka 75 mijë të punësuar. Kemi qenë si një sektor i paragjykuar. Do ta kuptojnë shumë mirë institucionet përgjegjëse dhe ky dëm është edhe nga mos reagimi i institucioneve.’- tha Prençe.
Kriza e lartë financiare sipas “Pro Eksport Albania” ka prekur rreth 75 mijë punonjës në të gjithë vendin./E.T
